Saturday 28 January 2012

Penyarut dalam SUPP ulih diputarka, ku Jerip Susil

Posted on January 28, 2012, Saturday
KAMI NYUKUNG NUAN: (empat kiba) Johnical, Dr Jerip, (tujug kiba) Wong, Leong, Tiong (sepuluh kiba) lebuh ba pengerami nyambut TBC di Sibu, apin lama tu tadi.
KAMI NYUKUNG NUAN: (empat kiba) Johnical, Dr Jerip, (tujug kiba) 
Wong, Leong, Tiong (sepuluh kiba) lebuh ba pengerami nyambut TBC
di Sibu, apin lama tu tadi.

SIBU: Kaban Kunsil Nengeri Bengoh Dr Jerip Susil madahka penyarut ke nyadi dalam Parti Sa’ati Rayat Sarawak (SUPP) maya ke diatu siti ari penanggul ke ditapi lalu patut diputarka Chairman SUPP pampang Sibu Dato Sri Wong Soon Koh.

Bejaku ba pengerami Taun Baru Cina (TBC) malam Hari Empat tu tadi, iya perchaya penangul nya deka diputarka. “Kami berunding nitihka pekara ke amat nyadi lalu deka terus negapka runding kami,”ku iya.

Ba runding Jerip,  Wong seiku ketuai ke patut nyadi presiden parti. “Iya udah dipilih rayat nyadi pengari lalu iya mega seiku menteri,” ku iya, “Kitai enda nemu sekalika ketuai bukai ulih menang ba pengawa bepilih perlimen ke datai, tang kitai udah nemu Wong sigi udah menang lalu iya diatu ngiring pejalai kitai,”ku iya.

Iya mansutka penemu laban bisi sekeda ketuai ngembuan kebuah sereta peneka mangku penuduk tinggi dalam parti lalu nya tau ngeruga penyerakup dalam parti.

Iya mega madahka ba pengawa kitai ngatur ubah sereta ngenegapka parti, runding ke baru patut dipasukka raban ketuai .

Ba pengawa nya mega, Chairman SUPP pampang Engkilili  Dr Johnical Rayong madahka Wong meh ketuai ke patut nyadi presiden sereta ngiring pejalai SUPP.

Iya mega ngelalau rayat enda nyukung raban penyakal ba pengawa bepilih ke deka datai. “Kitai mesti ngerampas Sibu baru,” ku iya.

Sama bela datai ba pengerami  nya bini Wong, Datin Sri Pauline Leong enggau sekretari SUPP Sibu Datuk Tiong Thai King.

No comments:

Post a Comment