by Jacqueline David. Posted on January 30, 2012, Monday
KENA BANTU TU ENGGAU MANAH: Daud meda baucher ke diterima seiku penerima BR1M ari sitak P.194 Petra Jaya, Kuching, kemari.
KUCHING:Penyekut jalai alun ke diasai kitai diatu nya nyadi berindik ari raban orang ke benung begagaka ban ba mengeri tu nya kebuah kitai nadai pilih bukai tang ngetatka penanggul nya sentara iya siap.
Menteri Muda Pemansang Infrastruktur Datuk Daud Abdul Rahman madah penanggul nya enda lama lalu deka bejalai baka selama udah pengawa nya ke dipelaba tembu taun baru tu ila.
“Pengawa orang ngaga ban nya sebengkah ari projek pemansang ke enda ulih diseliah ba mengeri tu.
“Enda ulih dibanding enggau menua bukai, laban sistem baka tu udah digaga urung 100-200 taun ke suba, tang iya enda sebaka enggau menua kitai ke baru ngena sistem tu diatu.
“Enti kitai enda ngaga chara baka tu, tau enda ibuh ngaga sekali. Nya alai baka tu meh gaya ke ditapi kitai naka ke diatu tang deka nguntung kitai jemah ila,” ku iya.
Iya bejaku munyi nya lebuh dikerandau ba atur pengawa Nyua bantu Rayat 1Malaysia (BR1M) P.194 Petra Jaya ba Kampung Tupong ditu, kemari.
Iya nambah baru, opis bekuasa ke patut mansik pengawa ngaga ban tu, iya nya Opis Kunsil Dewan Bandaraya Kuching Utara (DBKU) enggau Opis Kunsil Majlis Bandaraya Kuching Selatan (MBKS).
Iya madah, kededua buah opis PBT tu orang ke patut mansik beratika gaya jalai alun ke kena ngaga ban tu didkemanah enggau jampat ngambika enda betapi enggau mayuh macham penanggul ke bukai.
Kelimpah ari nya mega iya ngarapka mensia meri kerejasama sida iya kelebih agi ba sitak ke dipegai ulih DBKU dalam nyeliah sebarang penyakit ke tau berampit baka denggi ba genturung pendiau sida.
Iya madahka, DBKU begulai enggau agensi perintah bukai deka mantu ngatur program baka kimpin enggau beripai dikena sida iya madah ngagai orang mayuh ba pekara pemerat nyaga pemeresi rumah sida iya.
Sama bisi nguluka atur pengawa nya kemari, Sapit Menteri Sains, Teknologi enggai Pemadah, Datuk Fadhillah Yusuf.
No comments:
Post a Comment