Posted on February 4, 2012, Saturday
MARANG: Menteri Besai (PM) Datuk Seri Najib Tun Razak madahka pengawa bepilih besai (PRU) ke-13 tau dipenyadika sebarang maya asalka enda laun ari bulan Apri l taun nyin ila.
PM madahka maya ngatur pengawa bepilih besai nya bepanggai ba mayuh bengkah pekara.
“Naka ke diatu, aku benung betemu enggau rayat ukai semina aku nya mantis pengawa semua tuai laban nya tanggung pengawa aku ti nyadi tuai awakka semua rayat ngembuan pengarap ba Barisan Nasional (BN),” ku iya bejaku ngagai pemberita ditu, kemari.
PM madahka munyi nya lebuh ke ditanya bekaul enggau berita ti madahka Parlimen deka dipadamka minggu siti nyin ila ngambika PRU-13 ulih diatur.
Najib enggai nyebut nenama bekaul enggau berita nya, semina nyebut : “ Ila nyangka nemu sida maya ke betul. Suba sida melabaka 11.11.11 (11 November 2011) aku enggai nyebut nenama,” ku iya.
Ditanya bekaul enggau pengelela Parti Keadilan Insan Tanah Air (Kita), Najib madahka iya iran ati nama kebuah parti nya jampat amat lela baru ka setaun sepengudah ti ditumbuhka lalu sekali pan bedau meh kala diuji ba pengawa bepilih.
Iya madahka BN enda deka maruk diri dalam pejalai parti ke diketuaika raban UMNO ke dulu suba Datuk Zaid Ibrahim lalu semina deka meda nama singkang iya udah tu ila.
Dulu ari nya, PM ke disempulang bini iya Datin Seri Rosmah Mansor dalam pengawa nemuai kereja sehari ngagai Terengganu nya, nyuaka baucher Bantu Rayat 1Malaysia (BR1M) Renggat Kunsil Nengeri (DUN) Rhu Rendang, ditu, kemari.
Bisi datai Menteri Besar Terengganu Datuk Seri Ahmad Said enggau Menteri Nembiak enggau Lumba Datuk Seri Ahmad Shabery Cheek. — Bernama
No comments:
Post a Comment